Feitizo

Mar bravío, castizo, doce. Mar que soña, e que fai soñar. Mar galego.
Mar que enfeitiza cada recuncho desta nosa terra, cheo de segredos e de historias. Testigo de aventuras dos xoves, e de antigos. Amigo nas batallas e nas guerras, protector. Paraíso de privilexiados, dos que saben ver, e sentir. Morriña do cheiro a pescado.
 Meiga na noite. Nai que mece ó seu neno. Cantiga de amor. Choiva.
Aturuxo desarraigado que xorde do silencio máis profundo. Berro endemoniado dos pesadelos tormentosos. Guía dos barcos. Ollo do pasado e lume de san xoán.
Bendición desta Galicia. Asasino de galegos. Treboada que amaina. Calma. Bágoa no corazón. Fogar.